吴海昕 Sofiee Ng

吳凱欣係香港無綫電視藝員，2014年度香港小姐競選攞旅遊大使獎。吳凱欣香港出世，在新界大埔運頭塘村，小學讀大埔保良局田家炳小學，中學讀聖公會莫壽增會督中學，大學讀香港樹仁大學英國語言文學，畢業後做過國泰航空空姐。吳凱欣由參選2014年度香港小姐開始，一路都係大熱門，傳媒亦話決賽當晩佢都好受鄭裕玲、陳百祥、王祖藍、崔建邦、曾志偉五位司儀鍾意，但最後都入唔到最後三甲。雖然吳凱欣最後攞唔到冠軍，但佢都做咗好多網民心目中嘅「民選冠軍」，雖敗猶榮。